Kwest-2026 II
Mary welaýat maliýe-ykdysady orta hünär okuw mekdebinde bilim alýan talyplaryň iňlis diline bolan gyzyklanmasyny artdyrmak, olaryň döredijilikli we intellektual pikirleniş ukyplaryny ösdürmek maksady bilen geçiriljek “Kwest-2026 II” bäsleşiginiň DÜZGÜNNAMASYI. Umumy düzgünler1.1 Bu bäsleşik talyplaryň arasynda iňlis dilini öwrenmek başarnygyny ösdürmek, olaryň dünýägaraýşyny giňeltmek, toparda işlemek we logiki pikirleniş başarnyklaryny ýokarlandyrmak maksady bilen geçirilýär.1.2 Bäsleşik meýletinlik, döredijilik, çalt we takyk pikirleniş ýörelgeleri esasynda amala aşyrylar.II. Bäsleşigiň maksady we wezipeleri2.1. Bäsleşigiň esasy maksady talyplaryň iňlis dilini öwrenmäge bolan höwesini artdyrmak, logiki pikirleniş ukyplaryny ösdürmek we toparlaýyn agzybirlikde işlemek ukyplaryny ýokarlandyrmakdan ybaratdyr. 2.2. Bäsleşigiň esasy wezipeleri:• talyplaryň iňlis dilinde söz baýlygyny, okap düşünmek we logiki ýumuşlary çözmek başarnyklaryny ösdürmek;• tankydy pikirleniş endiklerini kemala getirmek;• talyplaryň arasynda döredijilikli hyzmatdaşlygy ýola goýmak;• okuw mekdebiniň çägindäki dürli ýerleri ulanyp, gözleg oýunlary arkaly talyplaryň köpçülikleýin işjeňligini ýokarlandyrmak.III. Bäsleşigiň geçiriliş tertibi3.1 Bäsleşik 2026-njy ýylyň 27-nji oktýabrynda sagat 14:30-da başlanýar. Bäsleşige her topar boýunça 3 talyp gatnaşmaga mümkinçilik alýar. Saýlanyp alnan talyplardan 4 sany aýratyn toparlar düzülýär. Gatnaşyjylara KWEST-iň tertibi düşündirilýär. Başlangyç hökmünde toparlara çözmek üçin ýörite ýumuş berilýär. Toparlar berk bellenilen tertipde iňlis dilinde berlen tapmaçalary we logiki soraglary düzüp altyn açary tapmaly. 3.2 Bäsleşigiň ýeňijisi ýumuşlary iňlis dilinde takyk, dogry we iň çalt möhletde çözüp, jemleýji "Altyn açary" ilkinji bolup tapan topar diýlip yglan edilýär. Ýeňiji bolan topar gymmat bahaly sowgatlar we hormat hatlary bilen sylaglanar.
